Love sick Xmas

人人都說，聖誕節是最喜愛節日，我不例外，最愛聖誕。
知道香港有位女歌手是聖誕生日的，又記得一位美女朋友都是在25號生日。羨慕極了。
雖然最愛聖誕，卻非年年快樂，2004及2006，也愁緒點點。

今朝起床後，在家看了三部電影。先看了《My Super ex-girlfriend》，第二齣是《Tokyo friends》，最後《Talladega Nights: the ballad of Ricky Bobby》。
看完已經5時，這樣又熬了一天，好不充實。
看《My super ex-girlfriend》是因為我愛看荷里活slapstick，得啖笑，不用想，又是Ivan Reitman執導，粗粗鄙鄙的，卻笑不出來。
看《Tokyo Friends》是因為工作需要，故事有一半在紐約布克林發生，男女主角分手的一幕竟在JFK機場，早知劇情，不會在今天看。
看《Talladega Nights》，原意都是想輕輕鬆鬆，卻帶來長篇道理，其中一幕，跟今日耶誕很貼切，話說主角Ricky Bobby祈禱說grace時，偏要感謝baby Jesus，因為他說喜歡BB版耶穌，今日聖誕看，倍感溫馨。

三部不同質素的電影，在2006年Xmas看，都予我聖誕的感覺，是我想太多，還是什麼? 下年聖誕，妳可會在我身旁?

黃金希爾頓

夜，灣仔士多店找來金色希爾頓，買了兩包盒裝。
老闆說，此古稀香煙賣少見少，軟包難求，我說，嗯。
不知不覺報銷了一盒，另一盒，今日抽。
曾經無限無料提供，味道如今如昔濃烈。
得悉電視已停播香煙烈酒的廣告良久，我反應，嗯。

日，街頭重遇金色思域，手機拍照。
又想，到底那擋風玻璃要多少力道才可以踢碎。
幾多幾人幾個幾種幾重幾咁不可思義，廣東話寫作今天理所當然。
電影沒有因為中國市場開放而賺個笑，一億觀眾身上也賺不了任何一毫。
十一月最佳配樂安迪威廉搭祖迪姊妹聖誕歌，喔，其實十月已天天百聽不厭。

Popcorn Cracking in Stereo Mode or how to find your feet in movie going 2

Chet Baker名曲「Everything Happens to Me」好多時都令我身同感受，尤其是入戲院時…原來有些打擊是永不磨滅的。

「我地今日唔係做蜘蛛俠喎，部戲做完啦!!」普慶戲院那個搣飛既阿叔，對住當時只有六歲，仲一邊唱緊Spider-Man, Spider-Man, Does whatever a spider can..一邊喜孜孜準備入場既我，講左呢句我完全聽唔明白既說話。呢部70年代既真人版蜘蛛俠明明剛剛開畫，我拉著媽咪係第一個周末就來睇，明明個塊超巨型即日上映既「蜘蛛俠」壁報仲掛住戲院外牆。而二樓超等入口那富麗堂皇既樓座仲有一個巨型既蜘蛛俠牌係我面前，阿叔點解你會話落左畫呢??。佢當然無回答我，只係指住我背後既lobby card話: 我地今日做呢套「點指賊賊」，仲好睇啦。吓?? 傻架咩，呢個世界又點會有戲好睇過我既「蜘蛛俠」真人版呢?
媽咪退錢換飛後，就解釋俾我聽，因為無人鐘意睇「蜘蛛俠」，所以戲院突然換畫，乜咁都得架咩，票房收入真係咁重要? 呢個事實，1979年既我已經體會過。

蜘蛛俠電影好像一個魔咒咁，纏繞不放

「我們電腦發生小故障，請等一下」，銀幕上蜘蛛俠正阻止火車衝向斷車軌之際，電影突然斷片!!2004年，我身在上海工作，難得有一天假期就跑出市區看電影，當時有戲院正放映「蜘蛛俠2」imax版，嘩CRYSTAL CLEAR喎，雖然國語配音，蜘蛛俠變成蜘蛛人，都無所謂啦，CRYSTAL CLEAR喎。點知，成部戲每當係最緊張關頭時就斷片，戲院員工走出來解畫，一時又話停電，(停咩電，成間放映院都著哂燈)，一時又話電腦有問題，之後斷斷續續，斷左片又唔播返之前個段，所以基本上，我到而家都仲未睇過全套「蜘蛛俠2」….



5分鐘「電視機4:3版」無間3

以為國內戲院渣，原來香港一樣唔爭氣，銅鑼灣JP最後一日one show only做「無間道3之終極無間」，賣完哂廣告套片正要開始，點知大銀幕唔聽話，拉闊系統失靈，變唔到闊銀幕，最後逼住睇左5分鐘「電視機4:3版」既「無間3」，戲院又著番哂燈叫我地散場。我立即錢都唔退，跑去時代廣場UA。原來在銅鑼灣街上疾走係幾惹人注目既事，可能我速度頗快，左穿右插，終於引來一對行孖咇既軍裝差人注意，「先生，咁急去邊呀，拎張身份証來睇下。」
大佬，我趕住去睇戲呀，其中一個軍裝話「去睇戲駛唔駛跑咁快呀」，係囉睇戲啫，點解會被差佬查我身分證架。我解釋一大餐JP事件，個差佬都愕然:「咁都得?」係囉，你仲阻住我，最後我連UA時代個場「無間3」都趕唔切囉。

Popcorn Cracking in Stereo Mode or how to find your feet in movie going

以下內容非電影評論文章，僅記錄我以往的觀影經驗，並肯定長寫長有。

‧基於邊睇戲邊講野兼咬蔗，係舊時香港人在「大撻地」睇粵曲大戲既傳統，所以在本地戲院內有人邊睇戲邊講野，基本上只是尊重文化，或者遺傳。

‧事實上手機普遍通用後，海外國家包括英、美，亦融入了睇戲講電話的文化，世界大同。在英國睇「Oh Brothers, Where art Thou」時，我知道前邊那位人兄來自愛爾蘭，隔離行的太太應該是穌格蘭人。

‧入場觀眾均認為，每一個來電都可能會帶來賺取100萬美金的機會(尤其是欣賞電影時)，故此，入戲院是絕不能關掉電話的。

‧旺角的節奏變遷果然是香港之最，那天在朗豪坊看「黑拳」，觀眾已經進化到學會跟片中對白鬥大聲暢談電話。

‧我試過跟一名新相識的女生看電影，散場後，她問:「點解你睇戲時咁靜既?」，無論是否文化上的差異，之後我們亦再沒有來往。

‧那晚看「Saving Private Ryan」，序幕「諾曼帝登陸」血肉模糊，坐我隔離的一對小情侶不停以廣東話互相呵護。前一行的歐洲光頭怒漢終頂唔住，回頭回贈一句「Shut the Fawk Up」，即時令場內氣氛跟影片緊扣，是次，無疑係一次文化差異最大的衝突。

(待續)

杯麵新紀元

食左杯麵廿幾年，從未試過尋晚咁興奮!!
以後有左呢個由大友克洋製作既「杯麵鎖」
唔駛再搵野碟碟墊墊蓋住杯麵等三分鐘!!
我仲打算以後開工都袋住呢個世紀大發明
每逢有機會都拎出來，示範俾大家睇
原來食杯麵，都可以咁大友克洋架!!!!

FICTION by Sukimasuichi

臂章上說明我係銀行服務員
今日又係一個呆坐櫃台後既平凡午後
雖然西裝畢直無失禮，但臉上那所謂親切笑容開始有點甩甩地
有時都會忽發奇想，安定平淡生活點會適合我!! NO!! NO!!
每日當想起要遞辭職信
掛係後面牆上張海報就會突然跌落我個頭

唉!唉! 如果我夠彊個膽大d就好啦
可以夠彊跳出框框夠膽打破唔知邊個定出來既規矩就夠嘞

次次口口聲話追夢搵希望 但最後結局咪一樣永遠碰釘
理想同現實根本就另作別論，咁講簡直當頭捧喝……等等
邊有可能話轉就轉呢

我只係一個樣樣都半途以廢既average man
要爭取要積極就咪搞我，最擅長係走為上著
唉!唉! 如果我夠彊個膽大d就好啦
如果我夠彊揀d又辛苦又充實既生活就好啦
「你好叻呀」呢類說話從來都無我份兒執硬輸

到底幾時先可以排除萬難緊握幸福鎖匙
不如，就而家開始行出第一步
打開那夢寐以求既如意門…等等
原來有個嚴陣以待既警備系統
銀行既金庫，果然唔簡單!!!

両津勘吉 vs 桑田佳祐

Music Station 20周年



Southern All Stars為日本強檔音樂節目Music Station廿周年特輯任壓軸表演，見南方之星仲係原班人馬，原由子本來極其貌不揚，而家都總算賢良淑德。
新曲DIRTY OLD MAN以外，同場加映「真夏之果實」到「Tsunami」等等SAS名曲，當中廿年友情愛情，來得不易。隔離台，石橋貴明&中居正廣既音樂節目「Utaban」今年又正值10周年，節目重溫儼如Morning娘回顧篇，這批「一般偶像不可能」的女巫，曾創下平民神話，令長得多平凡既女子都自信他朝可當上明星，終於搞到藝能界淪陷，idol時代幻滅，Morning娘功不可抹。兩個節目睇到兩種回顧，反映娛樂圈殘酷之餘，更清楚說明實力係幾咁重要。

烏龍派出所30周年



全名直譯「這裡是葛飾區龜有公園前派出所」(簡稱kochi kame)，北京有位高幹子弟話我知，大陸網上盜版譯作「烏龍派出所」，呢本地道味甚濃既漫畫，國外又有幾人追? 細個睇「少年JUMP」，就只會睇「足球小將」，「龍珠」，「北斗之拳」，「JOJO奇妙旅程」等，而家老左，反而最鍾意睇呢個東洋老馬簡稱為「KOCHI KAME」既漫畫，就算之前追緊「DEATH NOTE」，當最新「JUMP」到手，都係睇「KOCHI KAME」先。呢個漫畫曾經在我最惡劣既工作環境之下，帶俾我無窮快樂，所以唔會忘記遺棄佢!!30年長壽連載漫畫，好野!!

咸蛋超人40周年



唔通真係六六無窮??咸蛋超人又係今年2006年慶祝40周年，元祖超人兄弟共六位出場幫拖現任咸蛋Mebius大電影，雖則所謂特技僅限於PS2貨色，超人兄弟同心同時發射死光，點都熱血沸騰，散場買本場刊，唔怕醜跟班小朋友齊齊排隊CHOP印章，勁!!

立頓紅茶100年Lipton 茶包都輸入東瀛100年，紀念CM歌有PUFFY featuring TOKYO SKA PARADISE ORCHESTRA，聽完，都衝動地想嘆杯奶茶。

部屋-恤衫-我

鰨雲
周南市四丁目望上秋天浮雲，記得關西空港四小時最後奮戰，懷習慣非改不可。因為坐唔定唔專心，從來唔鍾意寫作，但咁多年來為左搵食而又不停打字，無死期唔交貨，即使到期仲要拖多幾日，最近幾次出門最後都要帶部腦上機，非改不可。所以，試下由喜歡寫作開始入手。

馬刺
東京下町三田開始說起「刺馬」，秋刀魚發泡酒後，大家都口快快改稱為「馬刺」，即生馬肉，血紅肉質似西班牙沙拉美，味道似火腿，好過鯨魚肉。這裡不談電影，只嘗日常家飯事。電影文字，非收錢不可，市儈極。

Acid Jazz
心齋橋TOWER RECORDS旗艦店休業，全國首間音樂鐵塔基地瓦解。請大家繼續非法下載兼老翻，將陸續有來。無音樂無生活，連acid jazz都不死，涉谷HMV內找來Isabelle Antena新專輯，參與日人有元祖kyoto jazz massive，jazztronik及福富幸宏 (唔係高橋，聽說昭和女子大學場演出好好睇，T SHIRT要5.5K)。當然仲有世界盃翻生巴西66風情的Sergio Mendes，black eyed peas欠奉，全場三至六十齊O---aria raio Oba Oba Oba!! 親眼睇親耳聽生放送，新五拍原味風味絕佳。